Пребарувајте низ нашите производи

За нас

За нас


Почитувани,

Фирмата Југоекспорт Стил Скопје е основана во 1991. Фирмата започна со работа во истата година во ексклузивниот продажен простор во ГТЦ со површина од 420м2. Југоекспорт Стил ја продолжи традицијата на снабдување на клиентите со квалитен и модерен мебел, од фирмата Југоекспорт Белград. Југоекспорт Белград во поранешна Југославија беше водечка фирма за трговија и беше присутна во сите поголеми градови.

Југоекспорт Стил има долгогодишна традиција во снабдувањето со мебел на вашиот дом и деловен простор. Во изминатиот период нашата фирма прерасна во лидер на Македонскиот пазар и во моментов имамe преку 45 вработени и три изложбени салони ширум републикава - салонот во ГТЦ е со 420м2, потоа во Струмица со 610м2 и нашиот Мебел Центар во Илинден (наспроти хотел Белви) со површина од 6,000м2. Нашата фирма располага и со голем магацински простор каде нашите клиенти може да изберат од широк спектрум на производи во секое време.

Југоекспорт Стил продолжува со проширување на својот продажен и магацински простор со скорешно отварање на два нови објекти во Македонија.

Југоекспорт Стил е фирма која нуди мебел за сечиј вкус, од странско но и домашно производство. Во нашите салони се застапени најголемите светски брендови на мебел. Ние сме уверени дека со нашата широка лепеза на производи, на едно место, ќе најдете све што Ви треба за вашиот дом или деловен простор. Ние гарантираме за нашиот квалитетот и со нашата сериозност и одговорна работа сигурни сме дека ќе го задоволиме секој ваш вкус и барање.

Од 2002 година нашата фирма стана ко-сопственик во фирмата Мебел Трејд Виница со што го проширивме нашето поле на дејност и во производствениот бизнис и експорт на македонски производи. Фирмата Мебел Трејд Виница изработува мебел и обработува дрво за нашиот но и европскиот пазар.

Југоекспорт Стил продолжува со искрена и квалитетна работа и со посветен и сериозен пристап кон вашите барања. Веруваме дека заедно со Вас ќе продолжиме кон нови успеси. 

Со почит,

Ѓоко Атанасов

Директор

  • Транспорт и монтажа

    Низ цела Македонија

  • Безбедно плаќање

    100% заштита

  • 24/7 отворени

    Нарачајте во било кое време