Кога станува збор за уредување на дневна соба, обично сите сметаат дека треба да изгледа модерно. Но, вистината е дека постојат многу различни стилови и начини на кој може да се дефинира “модерниот” дизајн – од минимализам, разнобојност до максимализам.
Кога станува збор за уредување на дневна соба, обично сите сметаат дека треба да изгледа модерно. Но, вистината е дека постојат многу различни стилови и начини на кој може да се дефинира “модерниот” дизајн – од минимализам, разнобојност до максимализам.
Дневната е просторија која остава најголем впечаток на секој кој ќе го посети вашиот дом и е истотака просторија во која го поминуваме најголемиот дел од нашето време. Делува како природен центар на целиот стан, обично сместена меѓу кујната и спалната соба.
Затоа, ви прикажуваме неколку насоки, идеи и начини како може да ја уредите вашата дневна соба:
1. Модерна дневна соба во повеќе бои
Мебел и декорации во различни бои се најновиот начин на модерно уредување на дневната просторија. Обично, ѕидовите се бели или некоја слична неутрална боја, додека целиот фокус е на мебелот.
2. Минималистичка
Просторија во само две до три неутрални нијанси е безвременска, елегантна и секогаш изгледа луксузно. Доколку не сакате да експериментирате, ваквиот тип на дизајн е токму за вас.
3. Додајте нешто неочекувано
За просторијата да добие модерен и малку понеобичен изглед, доволно е да имате само една уникатна и интересна декорација која ќе го привлече целото внимание. Тоа може да биде интересна маса, стол, или пак тросед.
4. Црно и бело
Нема ништо по безвременско од црни и бели нијанси. Овие бои автоматски и даваат на просторијата чувство на елеганција. Заедно со нив, може да се додадат и црвени елементи за уште поголем луксуз.
5. Ретро елеганција
Неутрална палета на бои со акцент на текстура на ѕидовите и додавање на неколку елементи инспирирани од минатото даваат една поинаква елегенација и модерен изглед на просторот.
